पू.शुकदास महाराजांचे आदर्श कार्य -अ‍ॅड.अरूणभाऊ शेळके

शिवाजी शिक्षण संस्थेचे विद्यमान अध्यक्ष अ‍ॅड.अरूणभाऊ शेळके यांनी आज २३ नोव्हेंबर रोजी विवेकानंद आश्रमास सदिच्छा भेट दिली.भेटी समयी त्यांंच्या समवेत शिक्षण संस्थेचे उपाध्यक्ष प्रसिध्द कृषि किर्तनकार महादेवराव भुईभार ,सुभाष जाधव,प्राचार्य डॉ.दामोधर आंभोरे,डॉ.भुसारी,वायाळ,प्रा.सोनुने,प्रा.देव्हडे,प्रा.गवई, प्रा.शेवाळे इत्यादी हजर होते.प्रथम त्यांनी विवेकानंद आश्रमाच्या सर्व सेवाकार्यास भेटी देवून सर्व शिक्षणीक,आध्यात्मीक व आरोग्य सेवा कार्याची पाहणी केली,नंतर कर्मयागी संन्यासी प.पू.शुकदास महाराजांची भेट घेवून जवळपास एक तास चर्चा केली.त्यावेळी जुन्या आठवणींना उजाळा मिळाला.गेल्या ३० वर्षांपासून महाराजांचे कार्य जाणून असल्याची माहिती त्यांनी दिली.यावेळी विवेकानंद आश्रमाच्या वतीने सचिव संतोष गोरे यांनी त्यांचा शाल, श्रीफळ ,पुष्पगुच्छ देवून यथोचित सत्कार केला.याप्रसंगी आश्रमाचे सहसचिव आत्मानंद थोरहाते,व्यवस्थापक अशोक थोरहाते,प्राचार्य पंढरीनाथ शेळके,मा.बा. केंदळे तथा आश्रमाचे कार्यकर्ते उपस्थित होते.