शिक्षित होणे आणि शहाणा होणे यात फरक आहे. ज्ञानाचा वापर दुखः निवारण्यासाठी होतो. कृषी शाखेचे पदवीधर होतांना तुमच्या अभ्यासाचा उपयोग सर्वसामान्य माणसाच्या जीवनातील समस्या दूर होण्यासाठी शेतक-यांचे जीवनमान उंचवीण्यासाठी करा. नैसर्गीक आपत्तीने शेतकरी खचला आहे, प्रपंचाचा भार वाहतांना त्याची दमछाक होत आहे. नैसर्गीक समस्यांना तोंड देणा-या व अधिक उत्पन्न देणा-या पिकांच्या नवीन जातींसाठी कृषी क्षेत्रात संशोधन व्हावे त्यासाठी शेती आणि मातीचा अभ्यास करुन आपल्या शिक्षणाचा उपयोग सेवेसाठी करा असे आवाहन विवेकानंद आश्रमाचे संस्थापक प.पू. शुकदास महाराजांनी कृषी महाविद्यालयाच्या स्नेहसंमेलनात उद्घाटन प्रसंगी बोलतांना काढले. २३ मार्चला ‘फिनीक्स ' या तीन दिवस चालणा-या स्नेहसंम्मेलनाला थाटात सुरुवात झाली. प्रमुख पाहूणे म्हणून मेहकरचे नायब तहसिलदार मानकर होते. २३ मार्च या शहिद दिनानिमित्त शहीदांना अभिवादन व दीप प्रज्वलनाने कार्यक्रमाची सुरुवात झाली. नेतृत्वाचा गुण अंगभुत असतो तो लादल्याने निर्माण होत नाही त्यामुळे आपल्यातील अंगभुत गुणांना आपण जपले पाहीजे. संसारीकाचा प्रपंच पत्नी आणि मुलं ऐवढाच असतो, ब्रम्हचारी हा संसारीक नसतो परंतु शुकदास महाराज या ब्रम्हचा-याने हजारो विद्याथ्र्यांना पुत्रवत प्रेम देवून त्यांचे जीवन घडवून त्यांच्या सेवेचा प्रपंच मांडला आहे. असे उद्गार नायब तहसिलदार मानकर यांनी कार्यक्रमाप्रसंगी बोलतांना काढले. याप्रसंगी कृषी महाविद्यालयाचा विद्यार्थी योगेश देवकर याने लिहलेला ‘जखमा नव्या युगाच्याङ्क या चारोळी संग्रहाचे विमोचन शुकदास महाराजश्रींचे हस्ते करण्यात आले. प्राचार्य गावंडे यांनी महाविद्यालयाची गत वर्षातील विद्यार्थी गुणवत्ता व विद्याथ्र्यांसाठी केलेल्या सोयी-सुविधांबदद्लची माहीती दिली. कार्यक्रमाला आश्रमाचे सचिव संतोष गोरे, सहसचिव आत्मानंद थोरहाते, विश्वस्त अशोक थोरहाते, कृषी महाविद्यालयाचे प्राचार्य गावंडे व कृषी व्यवसाय व्यवस्थापन महाविद्यालयाचे प्राचार्य शेवाळे, विद्यार्थी प्रतिनिधी सागर सौदर, शरद जाधव तसेच प्राध्यापक, प्राध्यापकेत्तर कर्मचारी, विद्यार्थी-विद्यार्थीनी मोठया संख्येने उपस्थित होते. कार्यक्रमाचे सुत्रसंचालन मयुरी मानतकर, कुशल राजेजाधव यांनी केले तर आभार प्रदर्शन दयासागर अंभोरे, वैशाली जाधव यांनी केले.
